Os nosos smartphones e tablets tamén poden ser unha boa ferramenta para que os máis pequenos da casa aprendan. De feito no Market atopamos bastantes xogos pensados para eles, como Kids Numbers, que servirá para inicialos no mundo das matemáticas.
Trátase dun xogo sinxelo, pensado para unha primeira toma de contacto, xa que ensina cales son os números e outras operacións básicas, como selección do máximo ou mínimo, sumas e restas ou igualacións.
A aplicación é gratuíta e é válida para todos os androides dende a versión 1.6. Está ademais optimizada para que a súa visualización en tablets sexa boa. Podédela atopar no Android Market.
