Os que nos ledes desde hai tempo sabedes que o Motorola MOTO ACTV non é un dispositivo novidoso presentado no Mobile World Congress deste ano. Pero foi aló onde por pimeira vez puidemos achegarnos a este trebello para fedellar un pouco con el e ver en directo como funciona.
Par ilo, o stand de Motorola contaba cunha zona específica para facer deporte. Iso si, non permitían que calquera subira á cinta de correr ou á bicicleta e se puxese a pedalear (crede que o intentamos).
As súas funcionalidades, como podedes ver no seguinte vídeo que gravamos, son moi básicas. Dispón dunha pantalla de configuración, na que podemos calibrar diferentes sensores cos que o Moto ACTV é compatíbel (lector de pulsacións por exemplo), conexión Bluetooth para chamadas ou mensaxes…, ou o xeito no que se organiza a nosa música.
Nunha segunda pantalla podemos escoller o tipo de exercicio que queremos en facer nun determinado momento (bici, correr…); noutra podemos ver o reloxo que se nos amosará habitualmente xunto a outros aspectos como a distancia ou as calorías consumidas.
Finalmente, dispón dunha pantalla adicada totalmente ao reprodutor musical. Están dispoñíbeis dúas versións, unha de 8 e outra de 16 GB.