Samsung vén de desvelar os prezos cos que poderemos adquirir os novos membros da súa familia de terminais Galaxy, concretamente as tablets Galaxy Tab 2 7.0, Galaxy Tab 2 10.1 e os reprodutores musicais Galaxy Player 3.6 e Galaxy Player 4.2.
A evolución da primeira tablet que lanzou Samsung, a Galaxy Tab 2 7.0, dispón dunha pantalla de sete polgadas con resolución de 1024 x 600 píxeles e procesador de 1 GHz. Terá un prezo de 249,99 dólares.
En canto á Galaxy Tab 2 10.1, temos un aparello con procesador de dobre núcleo a 1 GHz, memoria interna de 16 GB aos que podemos sumar 50 GB na nube grazas a un acordo Dropbox – Samsung. O seu prezo sería de 399,99 dólares.
Ambos terminais destacan por ter conectividade WiFi e móbil, sendo a móbil completa, é dicir, tamén con funcionalidade de teléfono.
En canto aos reprodutores, ambos dispoñen dun procesador de 1 GHz, 8 GB de memoria interna ampliábeis mediante microSD e dobre cámara, a principal de 2 MP e a frontal de tipo VGA. Contan con Gingerbread (2.3) e conectividade unicamente WiFi.
A única diferenza é que o tamaño da pantalla e o prezo. Así o Galaxy Player 3.6 terá un prezo de venda recomendado de 149,99 dólares e o Galaxy Player 4,2 199,99 dólares.
Quédanos por saber que prezos traerán a Europa, porque xa estamos acostumados a que as conversións sexan 1 $ = 1 €.
Teño un Galaxy Player 3.6 e non sei como configuralo para acceder a páxinas https cando estou nos Centros Municipais con Wifi na Coruña http://wireless.aytolacoruna.es/indexG.html
Algunha idea?
Ola,
pois a verdade é que non che sabería dicir, porque nunca tiven que configurar algo semellante no móbil e non usei ningunha rede desde o mesmo que precisase outra configuración diferente… agás Eduroam, pero iso é outro tema…
Comproba a configuración nas opcións de WiFi cando esteas conectado a ela, seguramente esté aí a información (Axustes -> Conexións inarámicas -> Axustes de WiFi)
Saúdos