Malia que agardamos como auga de maio a chegada do LG 4X, a bestia deste fabricante para o 2012, o certo é que non nos podemos esquecer da gama L Style, composta polos L3, L5 e L7, tres terminais que descubrimos durante o pasado Mobile World Congress e dos que vos falamos nesta entrada.
Trátase de dispositivos de gama media, pero con características de gama alta, como pantalla grande ou procesadores máis potentes do normal. Iso si, conservan un prezo adaptado á gama á que pertencen.
Para dalos a coñecer, LG vén de presentar un novo spot de televisión que podedes ver no seguinte vídeo. Con cal vos quedades?
