Merco un novo smartphone? Mellor unha tablet? Aínda que un portátil mal non viña… se estamos nese mar de dúbidas que preceden a unha compra importante, como o é calquera gadget que supere certa cantidade de cartos, Asus pode que poña a solución co lanzamento do agardado Padfone.
Trátase dun revolucionario smartphone, o Padfone propiamente dito, ao que se lle poden acoplar elementos que o transforman nunha tablet ou nunha especie de netbook. Pero vaiamos por partes.
O Padfone conta cunha pantalla de 4,3 polgadas, que xa trae de fábrica a última versión de Android, Ice Cream Sandwich. O seu procesador é de 1,5 GHz, e a cámara traseira de 8 megapíxeles (a frontal é VGA). Dispón e 1 GB de RAM e 16 GB para almacenaxe interno. Ademais Asus ofrece 32 GB extra na súa “nube”, gratuitamente durante 3 anos.
Ao acoplalo na Padfone Station transfórmase nunha tablet de 10,1 polgadas. Pero non pensedes que a transición é complicada e que simplemente amplía a pantalla: se, por exemplo, estamos escribindo un correo electrónico e intruducimos o Padfone na Station, axústase a pantalla amosando a versión tablet de Gmail. Ademais a Padfone Station conta cunha batería extra, que otorga 63 horas máis de autonomía.
Doutra banda está o Padfone Station Dock, un completo teclado co que se poderá traballar moito máis cómodo, e que xa coñecíamos das exitosas tablets Transformer.
Para os máis esixetes, Asus presentou o Stylus Headset, un lapis intelixente que ademais de servir como ferramenta ideal para escribir sobre a tabet, se recibimos unha chamada podemos achegalo a orella para falar.
As vantaxes deste revolucionario invento son diversas, quizais unha das máis importantes que evita que carguemos con moitos aparellos se usamos o máis grande, ou que se emprega unha única tarxeta SIM, polo que non hai que ter outra adicada para a tablet, cos custos en datos que ofrece.
O pack Padfone + Padfone Station (non se vende o terminal por separado) custará 699 € e estará dispoñíbel a mediados de xullo. O dock e o stylus, sen embargo, son opcionais.
Que vos parece este revolucionario invento?
