Hoxe temos o pracer de compartir convosco unha nova análise dun terminal, neste caso o tope de gama de Samsung, o Galaxy S III. Un dispositivo que sen lugar a dúbidas está a ser o centro de todas as miradas e é unha referencia no panorama Android.
Pantalla e conexións
Un dos aspectos máis destacados do Galaxy S III é a pantalla, de 4,8 polgadas SuperAMOLED HD. Pode parecer un tamaño excesivo, sen embargo adáptase ben á palma da man e resulta excesivamente cómodo.
Sorprende que non conta con demasiadas conexións físicas, simplemente o microUSB e o jack 3.5 para o audio, aínda que si que ten NFC, que se suma ao paquete de conexións inarámicas obvias (WiFi, WiFi Direct, Bluetooth…).
Sistema operativo e unha nova experiencia software
Obviamente, pola data de saída, o terminal conta con Ice Cream Sandwich, Android 4.0. Sen embargo xa se confirmou a actualización a Jelly Bean para este mesmo ano, seguramente ao longo do terceiro trimestre.
Captura do S-Voice. Probas no vídeo anterior |
Se o Galaxy S III non é un terminal que descase no seu momento por traer grandes novidades en canto a deseño ou prestación sobre os seus predecesores, é no software onde si vimos unha evolución, como puidéchedes comprobar no vídeo: configuración de movementos ou S-Voice, entre outros.
Cámara
Menús da cámara (NOTA: o desaxuste é pola captura do vídeo, non se ve así 🙂 ) |
En Samsung atopámonos que os terminais de gama media contan cunha cámara inferior á de características nominais semellantes doutros fabricantes; sen embargo, na gama alta, como este Galaxy S III, a cámara é bastante boa e consegue uns resultados alucinantes a pouco que xoguemos cos seus parámetros.
Destaca ademais a capacidade de enfoque nos primeiros planos, deixámosvos uns exemplos para que vexades:
Exemplo de panorámica |
Detalle de primeiro plano |
Imaxe en modo normal |
Conclusións
As conclusións ás que podemos chegar sobre este terminal son máis ca positivas. Samsung tomou nota de que os usuarios querían ir máis aló cos seus terminais e aplicouse. Iso si, aínda queda bastante por mellorar nalgúns aspectos, como por exemplo o caso de S-Voice, que é unha ferramenta que pode ser altamente útil pero funciona daquela maneira, como puidéchedes comprobar no vídeo.
En termos xerais podemos dicir que estamos ante o terminal do momento, o dispositivo de referencia Android na gama alta, o cal podemos recomendar para os usuarios máis esixentes.
Aproveitamos para agradecer a Samsung o préstamo deste terminal para facer posíbel a análise que acabáchedes de ler.