Nos inicios de Mallando no Android fixemos un especial de clientes de Twitter, no que analizamos as diferentes características de cada un deles. Desde aquela moito ten cambiado o panorama e hoxe en día atopámonos ducias de aplicacións para xestionar as nosas contas da rede de microblogging.
Queremos presentarvos Boid, un cliente baseado na interface Holo (Ice Cream Sandwich) que aínda que está en fase beta parece que vai ter moito futuro.
Para comezar, Boid destaca pola rapidez, tanto de carga da aplicación como de usabilidade, e polas diferentes configuracións que permite, tanto de imaxe (tons negros, brancos ou mixtura de ambos) como de funcións, destacando o “modo noite” co que podemos silenciar as notificacións. Soporta multiconta e deixa mover as columnas ao noso antollo.
Parécevos unha boa alternativa á aplicación oficial?
Nome da aplicación: Boid for Twitter (Beta)
Prezo: Gratuíta
Requerimentos: Android 4.0 ou superior
Desenvolvedor: Team Boid
Descarga: Play Store
Como o vexan os de Twitter vanlle meter un “puro” porque non cumpre as (estúpidas) normas recentemente publicadas por eles: https://dev.twitter.com/terms/display-requirements
Por se algún día queredes falar de f-droid, repositorio FOSS para Android, tamén está bastante ben Twidere.