De seguro que máis dunha vez xogáchedes co típico libro no que había que buscar a un personaxe vestido de raias e con lentes. Falamos, claro está, de Wally (ou Waldo para os anglosaxóns).
Modernizado, Wally chega agora aos nosos smartphones e tablets Android, nunha viaxe que nos leva polas pirámides e polo futuro, pero sen perder a esencia de sempre: dar co enigmático e escurridizo personaxe.
Malia todo, a diferenza ca nos libros, segundo o nível do xogo atoparemos cousas que se moven, néboas e mesmo uns lentes con visión nocturna que nos dificultarán (ou axudarán) a atopalo.
Sen lugar a dúbidas, trátase dun xogo máis que interesante co que podemos estar entretidos durante bastante tempo, e un complemento ideal para as nosas tablets.
Nome do xogo: ¿Dónde está Wally ahora?
Prezo: 0,89 €
Requerimentos: Android 2.1 ou superior
Desenvolvedor: Gameloft
Descarga: Play Store
