De seguro que en máis dunha ocasión pensáchedes no marabilloso que podería ser coñecer o motivo dunha chamada sen necesidade de descolgar. Se é o caso, gustaravos saber de SayWhat, unha aplicación que introduce toda unha serie de opcións para levar a cabo como paso previo a iniciar unha chamada.
Deste xeito, SayWhat establece catro categorías (casual, ocio, amor e traballo), nas que atopamos mensaxes predefinidas que recibirá o noso interlocutor, aínda que podemos editalas e configurar as propias. Imaxinade que podedes enviar, por exemplo, unha mensaxe a un amigo de “Ei, chámote para tomar unha Estrella”. Interesante, non?
Se somos nós quen recibe a chamada podemos escoller entre contestar directamente ou devolver unha mensaxe (non che podo falar, que estou reunido!). Neste punto é importante sinalar que se o receptor da chamada non ten instalada a aplicación recibirá a mensaxe co motivo por sms (sen custe para ninguén).
Que vos parece? Atopádeselle utilidade?
Nome da aplicación: SayWhat
Prezo: Gratuíta
Requerimentos: Android 2.2 ou superior
Desenvolvedor: SayWhat Dialer Labs
Descarga: Play Store
