Para gardar un enlace desde o noso smartphone ou tablet Android en Pocket simplemente temos que seleccionar no menú Compartir “Add to Pocket”, mentres que no noso navegador favorito podemos instalar o correspondente complemento que incorpora o botón de marcar rapidamente os artigos para gardar.
A visualización dos artigos pódese facer a través da aplicación do dispositivo onde a teñamos instalada ou na versión web, pero sempre coa posibilidade de pasar ao artigo na súa ligazón orixinal. Ademais, dispón de ferramentas como a inclusión de favoritos dentro das ligazóns gardadas, a etiquetaxe ou o arquivo, para sacar de diante os artigos que xa lemos e queremos conservar (funciona de xeito semellante ao arquivo de Gmail).
Pocket está dispoñíbel en versión web, de escritorio, como aplicación de Chrome, Chromium, Firefox, Safari, Opera, Android, iPhone, iPad, Windows Phone, BlackBerry, WebOS, Nokia S60 e diversos eBooks. Ademais, tamén ten opción de que nos enviemos os enlaces por correo electrónico.
Sen lugar a dúbidas é unha ferramenta moi completa para a xente que se informa a través da rede e que non sempre ten o tempo preciso para poder ler / ver / escoitar algo no momento. E máis agora que nos matan Google Reader…
Podedes obter máis información e as aplicacións para o navegador na web oficial ou a aplicación para Android na Play Store
Está aplicación é moi util, tanto a versión mobil coma a do novegador, e levoa usando dende que era readitlater.