Aínda que 2013 parece ser o ano dos supersmartphones tamén hai oco para a gama media, ese espectro no que se aglutinan a meirande parte dos usuarios de smartphones Android. Conscientes disto, desde HTC veñen de facer oficial o novo terminal de referencia neste sector, o Desire 600.
Conta cunha pantalla SuperLCD de 4,5 polgadas, cunha resolución qHD de 960 x 540 píxeles, procesador Qualcomm de 4 núcleos a 1,2 GHz, 1 GB de memoria RAM e 8 GB de memoria interna ampliábeis por microSD.
Do resto de características sinalar que a súa batería sitúase nos 1850 mAh e que dispón de dobre cámara, a principal de 8 megapíxeles e a frontal de 1,6. Ademais dispón de espazo para unha segunda tarxeta SIM, polo que poderemos ter 2 liñas diferentes nel.
Nun primeiro momento estará dispoñíbel en varios países de Asia a mediados de xuño e aínda que non se espera que chegue a Europa este modelo en concreto, o seu lanzamento sérvenos para coñecer cales son as especificacións coas que HTC aspira a situarse na gama media, polo que non habemos tardar en ver algo semellante por estes lares
