Samsung Galaxy NX: Así é a nova cámara de Samsung baseada en Android

Semella que a experiencia piloto da Galaxy Camera foi un éxito para Samsung, que se atreve agora cunha nova cámara que previsibelmente será presentada no evento do vindeiro 20 de xuño, xunto con outros dispositivos dos que estivemos falando estes días, como o Galaxy S4 Zoom e o Galaxy S4 Active. Mais desta vez, a aposta de Samsung pola fotografía vai para un sector máis profesional.
Así, a Galaxy NX é unha cámara que presumibelmente permite mudar de obxetivos, como en calquera cámara reflex ao uso que estemos afeitos. A priori fálase da existencia dos de 18-55 mm, 55-200 mm e 85 mm.
Incorpora un sensor de 20,3 megapíxeles e Android 4.2 como sistema operativo móbil base. Terá ademais o luxo de ser a primeira cámara Android sen espello que se poña á venda.

Sobre o autor

Reply