Os nosos smartphones téñense convertido nalgo máis ca unha ferramenta de comunicación e xa non nos resulta extrano empregalos como elemento de ocio ou como complemento idóneo para as nosas saídas a facer deporte.
Neste senso, desde Weartech, ofrécennos un produto que puidera parecer do futuro pero que xa podemos mercar: Gow Trainer, unha camisola sensorizada que recolle toda a nosa actividade física e que integra ademais un pequeno monitor cardíaco que centraliza toda a información captada, para logo conectarse a través do bluetooth ao noso smartphone Android (funciona co Samsung S3, S3 Mini, Note 2 e algún que outro modelo solto).
No noso smartphone deberemos ter instalada a aplicación que srecolle todos os datos, sincronizándose ademais cun apartado web ao que podemos acceder desde www.gowtrainer.com Nela poderemos escoller ademais diferentes actividades que integraremos en diferentes pantalla, así como organizar desafíos para entretar dun xeito máis competitivo. Ao igual que outras aplicacións deportivas, conta con integración social, o que permite ver que fan os teus amigos e mandarlles mensaxe de ánimo en directo.
Podedes atopar o pack completo por 99,95 €, así como tamén accesorios na tenda en liña da propia compañía.
É moi bonito o vídeo, pero a vida real dime que chove e que non me gusta mollar o meu smartphone, non todos temos un terminal somerxible (de feito, ningún dos da lista é somerxible).
Ademais non vexo útil a camisola, prefiro unha cinta de pulsómetro xa que tería que comprar un par de camisolas a maiores se quero facer actividade dous días consecutivos sen cheirar ao bravo.
Polo prezo do pack + unha segunda camisola tes pulsómetros con gps que recopilan os mesmos datos sen poñer en risco o móbil. E son moito máis cómodos de levar.
Ola Anónimo,
antes de nada, grazas polo comentario.
Efectivamente o tema “mollar o móbil” pode er un problema, sobre todo se temos un inverno-primavera coma esta. Mais consideramos que este é un mal menor, pois entendemos que a xente que emprega o seu smartphone para facer deporte (non sei se é o teu caso) está ben equipada, entendendo que ten, por exemplo, un brazalete estanco para non mollar o móbil. Outro tema sería discutir se o móbil é ou non o dispositivo máis axeitado para facer deporte.
No que ten a ver coa camisola, é certo que se se precisan mercar 2 camisolas hai un gasto a maiores que non se ten se empregamos a cinta de pulsómetro. Malia todo, uses a camisola de Gow Trainer ou outra vas precisar unha camisola, e se vas a algo de calidade as diferenzas coa camisola Gow Trainer non son excesivas. Ademais, tamén a favor desta está que os sensores están xa integrados na prenda, o que supón maior comodidade que o uso dunha cinta de pulsómetro.
De todos os xeitos, imos facer probas co produto para publicar no blog nas próximas semanas, así que fica atenta/o ao que publiquemos.
Un saúdo