Non houbo que agardar moito para ver no mercado últimos dispositivos de Samsung, presentados na pasada IFA de Berlín. A Galaxy Note 3 e o reloxo Galaxy Gear están desde hoxe dispoñíbeis no noso País, onde os poderemos mercar libres por 749 e 299 € respectivamente. Ademais, ambos dispositivos pasan a formar parte dos catálogos dos 4 principais operadores de telefonía móbil (Vodafone, Orange, Yoigo e Movistar).
Lembrando por riba as principais características, o Galaxy Note 3 incorpora unha pantalla de 5,7 polgadas Full HD SuperAMOLED, procesador de 4 núcleos, 3 GB de memoria RAM e diversas opcións atentendo á súa memoria interna. A batería é de 3200 mAh, integra o S-Pen (o stylus que multiplica as súas prestacións) e é compatíbel coas redes 4G que se están a despregar no estado.
Pola súa banda, o Galaxy Gear é un reloxo intelixente que, ademais de servir de centro de notifiacións, permite realizar chamadas e tomar fotos, grazas a que incorpora micrófono, altofalante e cámara de 5 megapíxeles. Polo de agora é compatíbel cos últimos dispositivos de Samsung (Galaxy S III, Galaxy S 4 e Galaxy Note 3).
Estades pensando en mercar algún deles?
