A operadora galega R vén de engadir ao seu catálogo de dispositivos, onde Android ten gran protagonismo, diferentes opcións para facerse con tablets ou con combos de tablet + smartphone, que se ofrecen polo modelo de financiamento a prazos.
Os modelos introducidos son as Samsung Galaxy Tab 3 de 7 e 10 polgadas, dous dos dispositivos máis vendidos deste fabricante coreano. Curiosamente non se trata dos modelos con conectividade WiFi + 3G como podería esperarse dun operador móbil, senón dos que contan con conectividade unicamente WiFi. De todos os xeitos, cómpre lembrar que a comapñía galega permite que compartamos os datos do noso smartphone creando unha rede sen fíos para outros dispositivos WiFi (tethering)
As diferentes alternativas que ofrece R para facerse con algún destes dispositivos son as que seguen:
- Galaxy Tab 3 7: 9,68 €/mes x 24 meses = 232,32 €
- Galaxy Tab 3 10: 14,52 €/mes x 24 meses + pago inicial de 22,99 € = 371,47 €
- Galaxy Tab 3 7 + Galaxy Young: 14,52 €/mes x 24 meses = 348,48 €
- Galaxy Tab 3 10 + Galaxy Core:: 24,20 €/mes x 24 meses + pago inicial de 22,99 € = 603,79 €
Todos os prezos inclúen IVE
