Wiko está disposta a dar a batalla nos smartphones de prezo accesíbel cunha nova aposta para a gama media, o Wiko IGGY, un dispositivo dual SIM con pantalla de 4,5 polgadas (854 x 480 píxeles).
No seu interior incorpora un procesador de dobre núcleo a 1,3 GHz, 512 MB de RAM e 4 GB de memoria interna (ampliábeis por microSD de até 32 GB). No apartado multimedia, dispón de dobre cámara (5 e 1,3 megapíxeles). Está alimentado por unha batería de 1600 mAh e, poñedo orde a todo iso, Android 4.2 Jelly Bean.
Está á venda en 3 cores (negro, branco e turquesa) por uns máis que atractivos 139 euros.
