A autonomía é con certeza a principal queixa das e dos usuarios de smartphones na actualidade, unha cuestión na que os fabricantes están comezando a tomar medidas. Malia todo, non está de máis levar unha batería extra se temos previsión de non ter enchufes preto e imos estar fóra da casa máis de 12 horas.
Energy Sistem vén de presentar a súa nova batería externa compatíbel con todos os nosos smartphones Android (tamén con iPhone e cámaras dixitais), a Energy Extra Battery 2200, que, como o seu nome indica, achega 2200 mAh de batería extra.
Cun tamaño pequeno e un deseño compacto, a nova batería inclúe un pequeno chaveiro para que sexa moito máis cómoda de transportar. Está dispoñíbel en catro cores (azul, branco, negro e fucsia) por 14,90 €.
