Cando falamos no blog do Meizu MX3, aló por setembro do ano pasado, laiábamonos de que malia as súas espectaculares características non íamos ter a posibilidade de velo por estes lares, xa que non estaba previsto que chegase a saír da China.
Porén, isto mudará a partir de febreiro, xa que está previsto que anuncien durante o Mobile World Congress de Barcelona os seus plans para Europa, nos que se incluiría a chegada con gamas altas a prezos un 30% aos equivalentes das marcas máis coñecidas. Isto podería supoñer a chegada do nomeado Meizu MX3 ou incluso novos dispositivos por coñecer.
A nova é de gran relevancia para o mercado Android, posto que Meizu, xunto a Xiaomi, están a facernos ver que podemos pagar moito menos por trebellos de moi boas prestacións. Serán unha ameaza para os grandes de sempre?
