Un enlace orfo na tenda de accesorios MobileFun vénnos de desvelar un novo produto de Sony, a nova Sony Xperia Tablet Z2. A súa predecesora, a Xperia Tablet Z, foi presentada hai algo máis dun ano, polo que os tempos son os axeitados para que chegue a nova versión deste produto que destacaba pola súa resistencia á auga e ás rabuñadas, sobre todo se temos en conta que nun mes comeza o Mobile World Congress en Barcelona, onde imaxinamos que será presentada.
Lamentabelmente, a filtración só informa dunha característica deste trebello, a carga inarámica, aínda que imaxinamos que o resto de características unicamente sufrirán melloras xenéricas, como procesador máis potente, maior RAM e máis resistencia a factores externos, non tanto unha renovación total. Iso si, apostamos porque conservará as 10.1 polgadas e chegará coa última versión de Android, KitKat.
