Nas últimas semanas falamos varias veces de toda a rumoroloxía arredor do Galaxy S5, o próximo terminal de referencia de Samsung. Porén, o anterior cabalo gañador do fabricante coreano, o Galaxy S4 aínda ten moito que dicir e vén de aparecer nunha edición que muda os acabados da capa traseira pola pel sintética que está a incorporar Samsung nos últimos dispositivos de gama alta dados a coñecer. É o Galaxy S4 Black Edition.
As súas características técnicas non mudan sobre o dispositivo orixinal. Lembrámolas:
- Pantalla SuperAMOLED FullHD de 4,99 polgadas (441 ppp)
- Procesador de catro núcleos a 1,9 GHz
- 2 GB de RAM
- 16 / 32 / 64 GB de memoria interna (ampliábeis por microSD)
- Cámara: 13 e 2 MP
- Batería de 2600 mAh
En canto a dispoñibiliade e prezos, podería chegar este mes de febreiro pola misma cantidade de cartos que o modelo orixinal.