A coreana LG compartiu esta tarde nos seus perfís sociais de varios países a imaxe que abre este artigo, na que se deixa ver a traseira dun dispositivo que comparte deseño co G2, aínda que de menor tamaño: o G2 Mini.
Este dispositivo terá unha pantalla que rondará as 4 polgadas, aínda que non sabemos se o resto de características sufrirán un recorte importante ou manteranse como dispositivo de gama alta.
Está previsto que a compañía faga un evento de prensa o 24 de febreiro, onde previsibelmente debutará o novo “pequeno”.
