Sony, ao igual que fará Samsung esta tarde, non quixo perder a oportunidade de aproveitar o Mobile World Congress para dar a coñecer o seu novo terminal de referencia, o Xperia Z2, un dispositivo que compartirá protagonismo na gama alta da compañía co Xperia Z1 Compact, presentado o pasado mes de xaneiro durante o CES.
As cámaras, un dos puntos fortes do fabricante xaponés, son de 20,7 e 2,1 megapíxeles. A principal é capaz de gravar vídeos en 4K. Por este motivo, pensamos que un punto a ter en conta é a relación entre a gravación 4k e a capacidade de almacenamento: a tarxeta micro sd vai ser moi necesaria.
No partado da conectividade atopamos todo o que podemos agardar dun terminal destas características. Temos LTE, NFC, Wifi N, Wifi Diretc, DLNA,.. Aspecto que sempre coida moito Sony nos seus terminais punteiros.
O resto de características podédelas ver na seguinte táboa dun xeito máis resumido:
| Xperia Z2 | |
| Polgadas/Resolución/ppi | 5,2/1920×1080/423 |
| Procesador | SnapDragon 801 a 2,3 Ghz |
| RAM | 3 GB |
| ROM | 16 GB ampliabéis con micro sd |
| Versión de Android | 4.4.2 |
| Prezo | 699€ |
| Dispoñibilidade | A partir de Abril |
Sen dúbida, o Xperia Z2 pode ser un dos smartphones do ano. Mercaríades un?
