Dende hai uns días a máis famosa app de mensaxería viña avisando de que a versión actual expiraría en 14 días e unha actualización era necesaria, mais cando abriamos Google Play a devandita actualización non estaba inda dispoñible.
Hoxe, por fin está dispoñible esta última actualización, a 2.11.186. que inclúe tódalas novidades da última versión dispoñible na páxina de Whatsapp: Un widget, aceso directo á cámara, opción de pagar por un amigo (acabouse o de pagar Fantas :P), e o máis interesante, non se reciben notificacións dos grupos silenciados.
Pero se cadra o máis singular desta actualización (a versión de Google Play é agora superior á dispoñible na súa páxina web) é algo que a maioría dos ususarios viña pedindo dende hai tempo: Agora é posible ocultar o estado, foto e máis importante, hora da última conexión (o “en liña” segue a funcionar).
Acabaranse así os problemas por saber se o destinatario leu ou non a mensaxe? Vós agardabades esta opción?
