Con moito 2014 aínda por diante e moito supersmartphone por descubrir, a estas alturas hai 3 dispositivos con nome propio que sabemos que van funcionar moi ben no mercado; falamos do Samsung Galaxy S5 e do Sony Xperia Z2, presentados no marco do Mobile World Congress do pasado febreiro, e do HTC One M8, dado a coñecer onte mesmo.
Para eles están a xurdir toda unha chea de accesorios, tanto oficiais como elaborados por terceiros que se adaptan perfectamente a estes trebellos. Neste senso, a distribuidora MobileFun vén de confirmar a dispoñibilidade na súa tenda en liña de moitos destes accesorios, así como tamén a posibilidade de reservar os que aínda non hai en stock.
Como podedes ver nalgunha das imaxes que incluímos no artigo, hai fundas tipo libro, de goma para os máis aventureiros, protectores simples de pantalla… pero tamén as tecnoloxicamente máis avanzadas, como a novidosa do HTC One (M8).
Así que se andades a buscar fundas para o Samsung Galaxy S5, Sony Xperia Z2 ou HTC One (M8) botádelle un ollo ao seu catálogo. Admiten diversas formas de pagamento (incluíndo PayPal) e opcións de envío que se adaptan a todos os petos.
