Hoxe era o día elixido para o evento en Beijing no que foi presentado de forma oficial un novo terminal chinés chamado OnePlus One, un terminal do que se falou moito nas últimas datas.
Todo apuntaba a que ía ter un hardaware de primeira a un prezo moi apetecíbel ao máis puro estilo Nexus e hoxe podemos confirmar que así é. Na seguinte táboa resumímosvos as características máis importantes:
| OnePlus One | |
| Polgadas/Resolución/ppi | 5,5” / 1080×1920 / 401 ppi |
| Procesador | Snapdragon 801 a 2,5 Ghz |
| RAM | 3 gigas |
| ROM | 16/64 gigas |
| Batería | 3100 mAh |
| Cámaras | principal 13 mpx (senson Exmor de Sony) / dianteira 5 mpx |
| Versión de Android | Cyanogen 11S |
| Prezo | 269€ (16 gigas) / 299€ (64 gigas) |
| Dispoñibilidade | A partir do 25 de abril |
Un punto a ter en conta é a versión de Android elixida para facer funcionar este terminal. Desta volta non se apostou por una rom oficial como fan habitualmente os fabricantes se non que a elixida foi Cyanogemod 11S, que é un versión especial feita por e para este terminal baseada en Android 4.4 KitKat, polo que agardamos que o conxunto hardware e software se entendan á perfección.
En canto á conectividade, podemos dicir que ten todo o que podemos agardar dun terminal deste nivel. Conta con LTE, WiFi 802.11ac de dobre banda, bluetooth 4.1, NFC, GPS e Glonass.
Tamén queremos destacar o material elixido para a súa fabricación: magnesio. Non atoparemos plástico, acabando coa lenda dos terminais grandes e pesados se non son de plástico, xa que ao elixir este material o conxunto pesa tan só 162 gramos.
En canto ao seu aspecto polo de agora atopámolo en dúas cores, negro e branco pero asegúrasenos que axiña chegaran outras carcasas para poder personalizar un pouco máis o noso terminal.
Pola nosa banda estamos desexando probar unha unidade xa que as sensacións que nos transmite este terminal son moi positivas.
E vós, se tedes que cambiar de móbil pensades neste como unha opción?
Moi grande, se fose de 5 pulgadas era compra segura. Xa se me fai grande abondo o Optimus G….
O meu S2 está nas últimas e este terminal faime a boca auga…
Ivan: o tamaño pode ser unha eiva importante para algún de vós, unha mágoa.
Xosé Hadrián: lóxico!! por certo, se o acabas mercando xa nolo podías deixar unha tarde para unha review express. Non pedimos moito. O café págamolo nós! 😉
Estou con Ivan, é demasiado grande… Dar dan ganas de compralo, pero eu de momento estoy contento coa segunda vida que lle deu CyanogenMod ao meu S II. Igual mentres non morre este deciden facer outro adaptado a petos máis pequenos, literalmente.
Ivan, Erithrym para vós unha mellor opción podería sero Z1 compact ou? Máis axustado en canto a tamaño pero moi potente.
O malo dese é o prezo, sobre todo se o comparamos co OnePlus One xD
Eu xa lle botara o ollo, pero como non baixe de prezo…