Para rematar a semana animados, hoxe queremos falarvos dun xunto dos desenvolvedores galegos AxouxereGames.com chamado Shuriken Training HD, no que nos teremos que pór na pel dun ninja que ten que atacar a outros que van aparecendo sobre papiros. De non facelo, estaremos condenados a perder a vida, aínda que tamén teremos que ter coidado de non facer dano ás geishas.
A mecánica do xogo é ben sinxela como vos acabamos de comentar, e conta con 100 niveles cos que poder acadar o obxectivo do xogo: adestrar para mellorar as túas habilidades ninjas.
Esta aplicación conta con algunhas opcións interesantes que vos pasamos comentar.
Como podedes ver na captura, ademáis do xogo (Arcade) ao seu carón temos outra opción chamada como xogar que nos amosa os detalles que temos que ter en conta mencionados antes: atacar ninjas, ollo ás geishas, os xarróns para recuperar vida entre outros. Tamén podemos ver que no menú de outros xogos temos acceso a máis xogos de AxouxereGames.com cun link á Play Store e así poder descargalos.
Así mesmo, como vén sendo habitual nos xogos, contamos coa posibilidade de compartar nas redes sociais (neste caso Google+ e Facebook) cada paso que imos dando con cada nível superado.
Shuriken Training HD podémolo atopar na Play Store para a súa descarga dun xeito totalmente gratuito. E vós, ides adestrar o ninja que levades dentro? 😉
