Estes días coñecimos grazas a un amigo, unha interesante aplicación para mercar ou vender todas aquelas cousas que desexemos; chámase Wallapop.
Nesta aplicación póñense en contacto compradores e vendores e cun sinxelo sistema, podemos falar na zona de Chat para preguntar sobre o producto, algunha dúbida sobre o estado deste, gastos de envíos,.. Tamén podemos facer a nosa oferta se o prezo do anuncio pensamos que é moi elevado premendo o botón de Contraoferta.
Se estamos conformes co prezo e coa información recibida, temos o botón ¡Lo quiero! no que ao premer enviamos un aviso á persoa que puxo o anuncio para que contacte contigo e acordar todos os detalles da transacción, pero sen estar comprometidos a nada.
Este é o funcionamento básico da aplicacación, aínda que temos unha morea de opcións e configuracións que vos pasamos a detallar agora.
Ao abrir a Wallapop atopámonos as ofertas máis próximas á túa ubicación, en bruto, sen ningún tipo de filtro por categoría, prezo,.. Para filtrar teremos que ir ao lente de aumento que atopamos na parte superior, e veremos o seguinte:
Estes filtros son de gran axuda para atopar aqueles productos que poden ser do noso interese dun xeito máis eficiente.
Temén temos outras tres opcións moi interesantes e son:
- Favoritos, coa cal se marcamos un producto como tal, poderemos facer un seguemento do mesmo dun xeito moi doado.
- Categorías, co que atopar productos agrupados por ter unha temática en común: o mundial de fútbol, roupa de noite,…
- Notificacións, coas que recibimos alertas no noso terminal cando recibimos mensaxes relacionados co proceso de compra-venda.
Non podemos rematar sen amosarvos a forma de crear un anuncio, unha tarefa realmente sinxela. Para iso temos que premer no botón que se asemella á icona dunha cámara na pantalla principal para acceder ao seguinte menú:
Podemos ver como cubrindo os campos que nos pide a aplicación, en poucos minutos temos o anuncio creado e listo para publicar.
Coñeciades esta aplicación? Pensades que pode ser unha aplicación de interese a próxima vez que precisedes vender ou mercar algo? Podedes atopar Wallapop na Play Store totalmente de balde.
Gustaríanos recordavos que se queredes que analicemos algunha aplicación que vos resulta útil e queredes dar a coñecer só tedes que contactar con nós da seguintes formas:
- Twitter: @mallandroid
- email e outras redes sociais: contacto
