O mundo dos accesorios é tan amplo como poidamos imaxinar, e facendo un esforzo de esmagamento de miolos, desde Archos achegan unha solución que gustará a máis dun e dunha de cara o frío inverno, os Archos Music Beany.
Como vedes nas imaxes, trátase duns gorros que conectados por Bluetooth 2.0 e con batería recargábel mediante microUSB. Dispoñen de auriculares incorporados con son de alta calidade, permitindo que reproduzamos a nosa música desde o smartphone sen necesidade de fíos polo medio da roupa.
Este novo gadget supón un paso máis na aposta da compañía pola tecnoloxía wearable, aínda que non acabamos de ter claro se chegará a causar tendencia. En calquera caso, os music Beany estarán dispoñíbeis en outubro por 29,99 euros.
Cómo é iso de “batería recargábel mediante microSD”???
Por outra parte, non me parecen caros
Pois iso foi unha gralla que se nos colou. Queríamos dicir “microUSB”. Xa está corrixido, graciñas polo aviso! 🙂
Pois non está mal a idea!!! ademáis de levar a cachola o quentiño, vas escoitando a túa música!xD