Parecía difícil, pero Yoigo volveu facelo. Tras sorprendernos coa tarifa La del Cero 5 GB, contratábel promocionalmente durante decembro e xaneiro, este mes de febreiro a cousa mellora aínda máis.
Entre os días 2 e 28 de febreiro, poderase contratar a nova La del Cero 5 GB, que inclúe por 19 €/mes os 5 GB de navegación a máxima velocidade, incluíndo 4G (excesos a 128 kbps), e 100 minutos en chamadas a fixos e móbiles españois. Superado este número, tarificaranse a 0 cént/min, cun establecemento de 18,15 €/chamada.
Con este movemento Yoigo reafirma o seu compromiso de ofrecer aos clientes tarifas que realmente necesitan, demostrando que é posíbel ter beneficio malia ofertar packs xenerosos en datos e fuxindo desa tendencia de empaquetarnos milleiros de minutos para xustificar cobrarnos máis de 20 € para poder ter máis de 1 GB.
Respecto ao último párrafo:
dis que ofrece aos clientes as tarifas que realmente necesitan?
– Qué % de xente precisa 5GB?
– Qué % de xente precisa só 100 minutos
Porque o que está ofrecer é unha moi boa tarifa pero para un % moi pequeno. Porque pagar 19 por unha morea de datos que non precisamos é a mesma táctica que a de poñer moitos minutos que non precisamos.
“demostrando que é posíbel ter beneficio” . Bueno, os resultados presentados demostran que Yoigo vai polo mal camiño. As portabilidades durante 2014 demostran o mesmo.
A estratexia de Yoigo é bastante clara: “oídes, operadores grandes, ou me comprades ou sigo rebaixando o valor do mercado”, tendo en conta que quedou sen comprador.
Ola Johnny, graciñas polo teu comentario.
O último parágrafo é a opinión que mantemos desde a liña editorial do blog sobre o que está a facer Yoigo, que che paso a detallar máis: é das poucas operadoras (a única das que teñen relevancia no noso país) que está a ofrecer un amplo abano de tarifas, adaptándose a todos os gustos:
– Poucos datos e moitos minutos: Infinita 600 MB
– Datos intermedios e moitos minutos: Infinita 2 GB
– Moitos datos e moitos minutos: Infinita 4 GB
– Poucos datos sen minutos: La del Cero 1,2 GB
– Moitos datos sen minutos / 100 minutos: La del Cero 5 GB
Por iso entendemos que efectivamente son os únicos que ofrecen tarifas adaptadas ao que necesitan os clientes, ao que pode necesitar calquera cliente. Tristemente a tendencia de moitas operadoras nos últimos meses vai na liña de eliminar as tarifas sen minutos incluídos, obrigando a contratar packs máis caros se queren ter máis gigas.
Por outra banda, o que queremos destacar é que cobrando 19 €/mes por esa tarifa Yoigo non está a vender por baixo de custe, polo que si ten beneficios. Nada ten que ver iso coas cifras de portabilidade, que dependen de moitos factores. De feito cremos que, tristemente, moitas operadoras están aumentando o número de clientes resignados, que non mudan de compañía por non separar os servizos fixo + móbil da mesma factura.
Un saúdo