Hoxe é día de teasers. Se hai unhas horas publicabamos o do LG G4, que verá a luz o 28 de abril, agora é a quenda de Huawei e o seu P8, que será presentado nun evento que terá lugar o día 15.
Os rumores sobre este dispositivo apuntan a unha pantalla de 5,2 polgadas con resolución 1080p, procesador Kirin 930 de 8 núcleos e tecnoloxía de 64 bits, 3 GB de RAM e 32 GB de memoria interna. Para a cámara principal rumoréase un modelo con sensor de 13 megapíxeles.
Que tal pinta vos ten?
