Queremos falarvos de Phone Sharing. Este servizo de .Tuenti permítenos non depender da tarxeta SIM para facer chamadas dende a nosa liña. Facendo Phone Sharing podemos facer chamadas nacionais ou internacionais e ter acceso á axenda dende calquera terminal ou ordenador.
Os clientes de compañía só teñen que entrar na app de .Tuenti cos seus datos desde calquera dispositivo e comezar a desfrutar do servizo, que está pensado para situacións concretas. Así, por exemplo, se quedamos sen batería podemos pedirlle o móbil a unha amiga e facer unha chamada urxente, ou se imos á praia podemos levar un único dispositivo como unha tableta na que pasar o tempo lendo e sen renunciar a facer chamadas. Do mesmo xeito, se estamos traballando no PC podemos facer chamadas directamente dende o ordenador, sen termos que pensar onde temos o teléfono.
Sen dúbida unha boa nova, pois pensamos que a estas alturas depender dunha SIM non ten xeito ningún e cremos que é o exemplo que deben seguir o resto de operadoras.
Usaríades un servizo deste estilo?
