Así será o Nexus 5
Esta é a imaxe que se filtrou do que se supón que será o novo Nexus 5 que fabricará LG. Nestes días as filtracións son constantes e a este paso, non quedará nada por saber o día da presentación oficial. Sexa como fose, se cadra só foi unha primeira idea, e o modelo final non é exactamente igual ao que vemos na imaxe.
Os termiais modulares retrasados até 2016
Project Ara, que así se chama o proxecto estivo algo parado nos últimos tempos, pero recentemente tivemos novas sobre el. Esas novidades non foron do agrado dos máis geeks, pois a chegada deste tipo de terminais estaba prevista para finais deste ano. Agora sabemos que teremos que seguir agardando un pouco máis, até ben entrado o 2016.
Teremos que ter paciencia, porque o proxecto está chamado a mudar dun xeito radical o proceso de fabricacións dos terminais o que resulta moi interesante: imaxinades non desfacervos do vos terminal se non cambiar só o procesdor porque se vos quedou xusto de potencia? Isto é Project Ara!
Como mercar o OnePlus 2 sen convite
Temos claro que dende fai dous anos, un dos terminais ao que lle debemos prestar a nosa atención é o OnePlus, pero co seu sistema de distribución non é doado conseguir unha unidade. Por iso, esta semana comezaron a aparecer tendas online que distribúen unidades sen precisar convite. Estos son algúns exemplos:
- GeekVida: OnePlus 2 16GB, para recibir dende o 28 de agosto e ademáis posúen almacen en España.
- Coolicool: polo de agora só dispoñíbel dende a China, malia ter almacen en España.
- Oppomart: envíado dende a China.
- GearBeast: envío dende a China.
Xa funciona a opción de copia de seguidade de Whatsapp en Drive
A versión 2.14.241 que podedes descargar dende a web de Whatsapp é a que conta con esta novidade da que xa falabamos fai tempo, pero funcionaba tan mal que tiveron que desactivala e seguir traballando nela.
Agardamos que desta volta xa funcione como agardamos todos, pois é unha función interesante tanto para facer copias de seguridade tradicionais coma para as que mudamos con frecuencia de smartphone.
Tede en conta unha cousa, o arquivo que se crea en Drive está oculto e só acesíbel para Whatsapp.
Angry Birds chega aos 30 millóns de descargas en dúas semanas
Esta impresionante cifra ven de acadarse estes días logo de levar tan só 15 días dispoñíble para a descarga a segunda parte do coñecidísimo xogo de Rovio, o Angry Birds 2. Sen dúbida, unha boa cifra que demostra a gran acollida que ten este xogo entre as usuarias.
Se queredes descargar o Angry Birds 2, nesta ligazón podedes facela de balde.
Orange pechou a adquisición de Jazztel
O martes pasado foi a data na que rematou a operación de compra sobre Jazztel, que pasa a ser propiedade de Orange ao 100%. Con este movemento vemos como seguen dándose pasas para a concentración do mercado, reducir a competencia por parte dos grandes operadores. En definitiva, unha mala nova para as comsumidoras que vemos como se reduce a oferta.
