Hoxe queremos compartir con vós un xogo de conducción sinxela inspirado en modelos dos anos 70. Este xogo chámase Does not commute.
A mecánica do xogo é sinxela, temos un coche co que ir do punto A ao punto B. Cada vez usamos un coche diferente dun veciño da cidade, e ao subir a el, iremos coñecendo os seus segredos, que aparecerán na parte inferior da pantalla.
Só dispoñemos de dous botóns para xirar á dereita e á esquerda. Non nos temos que preocupar de acelerar ou frear. Ademáis ao ir superando probas, teremos melloras no coche, coma poden ser un novo turbo, máis tracción,… pero coidado, segundo a ruta q teñamos que seguir, pode axudarnos ou non.
Pois ben, o xogo dache un tempo para percorrer unha distancia predeterminada que se volve máis complexo ao ir superando fases, pois o tráfico aumenta e se chocamos o noso coche vólvese lento tendo que andar con ollo de non esgotar o tempo dado. No mapa, temos bonus de tempo, que son os que teremos que ir collendo pois só contamos con 60 segundos e para rematar o xogo, eses bonus son os que nos permiter ir recuperando tempo que perdemos ao facer cada ruta.
Como vos comentabamos antes, o deseño do xogo é coches está inspirado nos anos 70 dándolle un toque vintage moi logrado. Podemos descargar de balde o xogo dende esta ligazón á Play Store, máis se queresmos continuar o xogo no punto de control máis avanzado, teremos que accedar á app premium. Se non o facemos, cada vez que perdamos, teremos que voltar ao comezo do xogo.
