Microsoft vén de anunciar unha chea de novidades esta tarde, entre elas dous novos teléfonos de gama alta, os Lumia 950 e Lumia 950XL, que destacan por incluír Windows 10 e un sistema de refrixeración líquida.
Así mesmo, os novos Lumia apostan fortemente polo apartado fotográfico con lentes Carl Zeiss e un sistema flash de triple LED que corrixe os tons das cores nas imaxes que tomamos con pouca luz.
Especificacións
| Lumia 950 | Lumia 950XL | |
| Pantalla | 5,2” (2560 x 1440) | 5,7” (2560 x 144) |
| Procesador | Qualcomm Snapdragon 808 hexacore (2 a 1,82 GHz e 4 a 1,44 GHz) | Qualcomm Snapdragon 810 octacore (4 a 2 GHz e 4 a 1,5 GHz) |
| RAM | 3 GB | 3 GB |
| Memoria | 32 GB (+ microSD) | 32 GB (+ microSD) |
| Cámaras | 20 Mpx (Carl Zeiss) + 5 Mpx (PureView) | 20 Mpx (Carl Zeiss) + 5 Mpx (PureView) |
| Batería | 3000 mAh | 3300 mAh |
| Conectividade | WiFi / LTE | WiFi / LTE |
| Outros | USB Type C, carga sen fíos, refrixeración líquida | USB Type C, carga sen fíos, refrixeración líquida |
Como se pode ver na táboa anterior as principais diferenzas están no tamaño de pantalla (aínda que mantendo a resolución), na potencia do procesador e na capacidade da batería.
Está previsto que cheguen ao mercado internacional en novembro por 459 e 649 dólares, polo que haberá que esperar un pouco a coñecer o que custarán en euros e as ofertas que poidan facer as operadoras.
