A finais de agosto Xiaomi lanzou a versión de proba de MIUI 7, a capa de personalización que emprega nos seus terminais. Tras estes dous meses de probas chega agora a versión final, que comezará a distribuírse a partir de mañá vía OTA.
Malia todo, cómpre sinalar que isto non vai implicar a actualización do sistema operativo base de varios trebellos a novas versións (de feito algúns quedarán en Kitkat), senón da capa de personalización que inclúe, iso si, diversas e interesantes novidades que xa comentamos.
O despregamento da actualización efectuarase mediante OTA, que se irá distribuíndo de xeito escalonado, aínda que as usuarias que non queiran agardar poden facelo manualmente desde a web de Xiaomi, a partir de que estea liberada.
A verdade que probei a instalar unha rom MIUI v7 beta fai unha semana e o adianto, en termos de rendimento, é bastante notorio respecto á v6. Aumenta a duración da batería e nótase algo de mellora na fluidez das transicións entre pantallas.
Con respecto ao estancamento na versión KK de android dicer que moitas das características das versións L e incluso M xa estań incorporadas en MIUI 7: notificacións configurábeis, restricións nos permisos dos aplicativos, modo invitado, pantalla de bloqueo similar… Xiaomi a verdade que fai un bó traballo con esta variación de android, inda que a min a interface non me chista un carallo (aburrida) e sempre poño outro ‘launcher’ 😛
O que sí boto de menos é o soporte do galego como lingua do sistema (chegado na versión Lollipop) e a volta de considerar á tarxeta SD como un elemento principal (en Marshmallow).