O primeiro de outubro LG anunciou o LG V10, un trebello baseado no LG G4 que incorpora unha segunda pantalla frontal para notificacións ou realizar pequenas accións de control en aplicacións específicas.
Un mes despois sabemos que está a piques de desembarcar en Europa, seguindo a axenda de distribución que a compañía surcoreana estableceu por este dispositivo, na que situou aos EEUU en primeiro lugar. O que non trascendeu é o prezo ao que o poderemos mercar, pero tendo en conta as súas prestacións, imaxinamos que será superior aos 600 euros.
Especificacións do LG V10
- Pantalla QHD IPS de 5,7 polgadas (2560 x 14440 píxeles, 513 ppp).
- Pantalla secundaria IPS de 2,1 polgadas (160 x 1040 píxeles, 513 ppp).
- Procesador Qualcomm SnapDragon 808
- 4 GB de RAM
- 64 GB de memoria interna (ampliábeis con tarxetas microSD de até 2 TB)
- Cámaras de 16 e 5 megapíxeles.
- 3000 mAh de batería
- LTE Cat6, NFC, Bluetooth 4.1
- Android 5.1 actualizábel a 6.0
O terminal chega en varias cores (Space Black, Luxe White, Modern Beige, Ocean Blue e Opal Blue), para que cadaquén poida escoller o que máis lle guste. Que vos parece? Será este o voso próximo smartphone?