En setembro, xunto aos novos iPhone 6S e iPhone 6S Plus, Apple anunciou o iPad Pro, a última tablet da compañía de Cupertino, que aspira a sustituír en grande medida os portátiles e netbooks.
O trebello incorpora unha pantalla de 12,9 polgadas e resolución 2732 x 2048 píxeles, e no seu interior alberga un procesador A9X, con arquitecutra de 64 bits de terceira xeración, que segundo anunciou Apple durante a presentación ten o rendemento dunha CPU de sobremesa e os gráficos dunha consola.
Existen versións atendendo á capacidade da memoria interna, 32 ou 128 GB. Ten dobre cámara, a principal unha iSight de 8 megapíxeles e a frontal unha HD de 1,2 megapíxeles orientada a Facetime, sensor TouchID, WiFi con tecnoloxía MIMO e batería que ofrece até 10 horas de autonomía. Tamén existe unha versión con LTE para as persoas que precisan maior conectividade.
O iPad Pro tamén conta cun deseño coidado, con corpo unibody de aluminio dispoñíbel en gris, prata ou dourado, así como cun grosor e peso axustados: 6,9 mm e 710 gramos, respectivamente.
Ponse á venda por 899 € (versión 32 GB e só WiFi), 1079 € (versión 128 GB e só WiFi) ou 1299 € (128 GB e conexión LTE). En canto aos accesorios, o lapis Pencil custa 109 €, o teclado 179 € e as fundas entre 69 e 89 €. Xa están dispoñíbeis na Apple Store.
Con todo o respeto, e necesario facer este tipo de post, nun blog especializado en Android???
Nun blog de tecnoloxía “xeral” he razoable, pero neste blog que presume de temática, incluso no seu nome, pois…..
A seguir traballando, un saúdo!
Ola Diego,
Como dis, este blog é especializado en Android e esa é a súa temática principal. Mais, desde hai tempo e por necesidade e interese do público tamén tratamos outros temas que están relacionados, como tarifas para móbiles, ou, por que non, información sobre outras plataformas.
Cremos que enriquece o medio por pluralidade e porque o público pode comparar. Pero estes non son os post principais do noso blog, e por iso van etiquetados como #offtopic
Graciñas, un saúdo!