Desde que existen as redes sociais as parellas non rompen de verdade até que se eliminan do Facebook ou se fan unfollow en Twitter. Isto é unha verdade universal, aínda que hai quen prefire seguirse tendo entre as amizades, a modo de ruptura de boas (non se enganar, na meirande parte dos casos é por poder cotillear de vez en cando). Noutras ocasións, seguiremos etiquetados en fotos antigas e mesmo pode que a exparella apareza recomendada como amizade a engadir.
En Facebook son conscientes disto, polo que están a traballar nunha ferramenta que nos permite limitar o que podemos ver das ou dos nosos ex, así como tamén o que estas persoas poden ver de nós. Non se teñen por que enterar dos nosos novos ligues, que car****! 😉
Polo de agora esta opción estará dispoñíbel en probas a través de dispositivos móbiles nos EEUU, pero todo apunta a que en non moito tempo será unha opción máis de xeito global.Útil, non?
