Se sodes desas persoas que aproveitades as ofertas de menú do día que ofrecen moitos bares e restaurantes havos gustar aplicación da que vos queremos falar hoxe. Trátase de MenuAffinity , unha app dirixida tanto a persoas que teñen que comer fóra por obrigación ou que esporadicamente procuran un resturante para comer por aí adiante.
O funcionamento da aplicación é moi sinxelo, mais exixe rexistro previo. Unha vez logueados veremos xa unha listaxe de locais colaboradores que presentan o seu menú do día, aínda que para atopar con máis facilidade un local que se adecúe aos nosos gustos ou preferencias podemos refinar a busca por tipo de comida, prezo, localización…
Unha vez feito isto, a aplicación amosaranos os locais que se adaptan ás noas preferencias e, premendo sobre calquera deles, veremos o menú do día, prezo e outros datos de interese sobre os locais, como se amosa nas seguintes capturas de pantalla.
MenuAffinity atópase en pleno proceso de expansión no noso país, polo que a incorporación de novos locais é constante. Debido a isto é posíbel que na vosa zona non atopedes unha oferta moi ampla, malia haber sitios que ofrecen estes menús. A app está desenvolta por unha equuipa de persoas galegas, e se queredes probala non tedes máis que descargala desde a Play Store. É totalmente de balde.
