Google Assistant, Allo e Duo, Google Home… este I/O vén cargado de novidades, que tamén chegan aos nosos smartwatches. Android Wear 2.0 contará cunha completa renovación de deseño achegando o Material Design os nosos reloxos, podendo elixir se metemos iconas pequenas ou non ou amosar só a información xusta para non saturar as pequenas pantallas dos dispositivos.
Ademáis, unha das principais novidades é a chegada dos teclados virtuais aos smartwatches e tamén a escritura con xestos para responder as notificacións directamente desde o reloxo e así tamén aproveitar outra das importantes melloras: xa podemos empregar as app en reloxos de xeito independente aos móbiles aproveitando así a conexión WiFi ou de datos, facendo instalacións directamente na memoria do dispositivo.
Con esta profunda actualización agora será máis doado ca nunca desfrutar das apps de mensaxeria, actividade física e información nos nosos smartwatches. Está previsto que cheguen aos reloxos en outono deste ano.
