Esta semana Pebble anunciou dous novos modelos de reloxo, o Pebble 2 e o Time 2, xunto cun novo accesorio 3G que permitirá ás usuarias deixar o teléfono na casa e saír unicamente levando o reloxo consigo.
Os novos modelos de reloxo cambian lixeiramente o seu deseño, mais é nas súas prestacións onde os cambios son moito máis destacábeis. Ambos os dous modelos incorporan micrófono, sensor de actividade, sensor de ritmo cardíago 24 horas, monitor de sono, resistencia á auga e unha batería mellorada, que no caso do Pebble 2 achega 7 días de autonomía e o Pebble Time 2 un total de 10.
Ademais dos reloxos, Pebble tamén anunciou un módulo 3G chamado The Core. Trátase dunha especie de minirouter con GPS e entrada de auriculares que dá conectividade ao reloxo, permitindo deixar o smartphone na casa. Ademais é capaz de sincronizar aplicacións de terceiros e facer streaming de música, entre outras cousas.
Pebble anunciou estes dispositivos un ano máis a través dunha campaña de mecenado en Kickstarter, aínda que neste caso xa sabemos que o proxecto vai adiante. O Pebble 2 custará 99 dólares, o Pebble Time 2 169 dólares e o dispositivo 3G ventarse por 69 dólares.
Máis info: Kickstarter
