LG anunciou hai uns días o primeiro modelo integrante familia “X”, chamado LG X300. Trátase dun dispositivo de gama de entrada que, polo de agora, só se comercializa no país natal da compañía, Corea do Sur.
Entre as súas especificacións temos unhas características básicas, das que destacan o seu procesador Qualcomm Snapdragon 425, de catro núcleos a 1,4 GHz, acompañados de 2 GB de memoria RAM e 16 GB de memoria interna. A súa pantalla é de 5 polgadas, con resolución HD, e a batería ten unha capacidade de 2500 mAh.
En canto á conectividade, LG apostou máis forte que noutras ocasións anteriores, integrando un lector de pegadas dixitais, NFC, Bluetooth e 4G. O seu sistema operativo é Android 7.0 Nougat.
Dispoñibilidade e prezo
Como xa comentamos ao comezo do artigo, polo de agora o LG X300 está á venda en Corea do Sur, aínda que cabería que chegase a outros países nas próximas semanas xunto con outros modelos que renoven a gama media de LG.
Está dispoñíbel en catro cores (branco, gris, azul e negro) por uns 200 euros ao cambio.
