O mundo das operadoras móbiles virtuais comeza a estar un pouco saturado, e quizais por iso nos últimos tempos vivimos varias compras e fusións que foron reducindo o seu número. Se estamos a falar dun mercado no que é difícil entrar de por si, facelo sen apostar pola diferenciación aínda resulta máis complicado.
Con este panorama nace Jiayu Mobile. Con sede en Valencia e vencellada ao fabricante chinés Jiayu, a nova operadora centra a súa aposta nas tarifas axustadas, pero pouco novidosas, e no financiamento a prazos dos seus móbiles.
Tarifas de Jiayu Mobile
Jiayu Mobile ofrece catro tarifas preconfiguradas, ás que hai que sumar a posibilidade de que as usuarias fabriquen a súa propia oferta a medida. As opcións propostas son:
- 2 GB de datos e 100 minutos en chamadas por 10,98 €/mes.
- 1 GB + chamadas ilimitadas por 15,90 €/mes
- 3 GB + chamadas ilimitadas por 19,90 €/mes
- 8 GB + chamadas ilimitadas por 26,90 €/mes
Por outro lado, as usuarias poden facer a súa tarifa combinando os datos e os minutos que se axusten ás súas necesidades seguindo a seguinte táboa
Hai que salientar que a operadora ofrece bonos de minutos ao extranxeiro, algo que pode ser interesante para as usuarias que fan chamadas a outros países con asiduidade.
Jiayu emprega a infraestrutura de MásMóvil, baixo cobertura Orange. A velocidade de navegación será 4G até acadar o límite de datos, momento no cal as usuarias pasarán a navegar a velocidade reducida.
Máis info | Jiayu Mobile
