bq anunciou hai cousa dun par de meses dous novos smartphones, o Aquaris X e o Aquaris X Pro. Ambos modelos supoñen un importante paso adiante para a compañía en termos de deseño e prestacións, o que implica unha clara aposta por ter no seu portfolio modelos da chamada gama media premium.
Especificacións
| bq Aquaris X | bq Aquaris X Pro | |
| Pantalla | 5,2 polgadas FullHD (1080 x 1920, 424 ppp) | 5,2 polgadas FullHD (1080 x 1920, 424 ppp) |
| Procesador | Qualcomm Snapdragon 626 (Octacore a 2,2 GHz) | Qualcomm Snapdragon 626 (Octacore a 2,2 GHz) |
| RAM | 3 GB | 4 GB |
| Memoria | 32 GB (+ microSD 256 GB) | 64/128 GB (+ microSD 256 GB) |
| Cámaras | 16 Mpx con f/2.0 / 8 Mpx con f/2.0 | 12,1 Mpx con f/1.8 / 8 Mpx con f/2.0 |
| Batería | 3100 mAh con carga rápida | 3100 mAh con carga rápida |
| Outros | USB Tipo C, lector de pegadas dixitais | USB Tipo C, lector de pegadas dixitais.. |
En liñas xerais, ambos modelos son moi semellantes en canto a hardware, mais o certo é que existen diferenzas entre o modelo estándar, o Aquaris X , e a versión Pro. Como se pode ver no cadro comparativo anterior, a versión Pro mellora a RAM, que sube até os 4 GB, a capacidade de memoria interna (64 ou 128 GB ampliábeis) e a cámara.
Neste último aspecto, cámbiase o sensor de 16 megapíxeles por un modelo de 12,1 megapíxeles con apertura f/1.8, co que as imaxes conseguidas en ambientes nocturnos van ser superiores.
O bq Aquaris X está á venda desde hai unhas semanas por 279 euros, mais agora vén de abrirse o período de pre-compra do X Pro. Este modelo ten un prezo de 359,90 € e está dispoñíbel en dúas cores. As usuarias que fagan esta pre-reserva comezarán a recibir o dipositivo a partir do 8 de xuño.
