Con cada nova versión de Android chega a pregunta do millón: vaise actualizar o meu dispositivo? Con Android 8.0 Oreo xa lanzado e en fase de adaptación aos diferentes trebellos, pouco a pouco vanse confirmando de maneira oficial os modelos que disfrutarán desta nova versión.
bq
O fabricante español bq, que hai apenas uns días presentou novos smartphones, anunciou a semana pasada os modelos que recibirán Android 8.0 nos próximos meses. Serán os seguintes:
- Aquaris X / Aquaris X Pro
- Aquaris U / Aquaris U Lite / Aquaris U Plus
- Aquaris V / Aquaris V Plus
- Aquaris U2 / Aquaris U2 Lite
Os bq Aquaris X e Aquaris X Pro foron lanzados en maio deste ano con Android 7.1 Nougat, mentres que os Aquaris U / U Lite / U Plus sairon á venda en setembro de 2016 con Android 6.0.1 e recibiron a súa dose de Nougar en maio deste ano. Mención á parte merece o Aquaris X5 Plus, que saiu con Android 6.0.1 Marshmallow e foi o primeiro teléfono non-Google en recibir Android 7.1 Nougar en marzo de 2017.
Por último, os novos Aquaris U2 e U2 Lite, así comos os Aquaris V e V Plus, lanzados este mesmo mes con Android 7.1.2 Nougat, tamén están na lista de modelos a actualizar.
Motorola
Pola súa banda, a través da web de Motorola en Estados Unidos puidemos coñecer os modelos que Lenovo ten previsto actualizar dentro da marca ex-propiedade de Google. Trátase dos seguintes dispositivos:
- Moto Z2 Play.
- Moto Z2 Force.
- Moto Z Play.
- Moto Z Force.
- Moto Z.
- Moto G5S Plus.
- Moto G5 Plus.
- Moto G5.
O que non se ten confirmando aínda é a data na que estes modelos recibirán a ansiada actualización.
Sony
Finalmente, o fabricante xaponés Sony tamén fixo públicos os modelos que desexa actualizar á última versión de Android. Serán os seguintes:
- Xperia X
- Xperia X Performance
- Xperia XZ
- Xperia X Compact
- Xperia XZ Premium
- Xperia XZs
- Xperia XA1
- Xperia XA1 Ultra
- Xperia XA1 Plus
Como se pode ver, trátase unicamente dos modelos máis punteiros da marca nipona, quedando o resto relegados a manter unha versión anterior á última dispoñíbel. Ao igual ca nos casos anteriores, descoñécese a data na que estes modelos recibirán a última versión de software.