Samsung foi un dos fabricantes que aproveitaron o Mobile World Congress para anunciar as súas principais novidades para aeste ano. Os Galaxy S9 e S9+ son os dous novos dispositivos de referencia da marca surcoreana, e chegan acompañados dunha serie de accerorios como o Samsung DeX Pad, que recibe unha importante actualización.
Novo deseño
A primeira das grandes novidades do novo DeX salta á vista, e é o seu deseño. Con esta nova forma, cambia o xeito de colocar o terminal, que pasa de estar en vertical a poñerse horizontal. Así mesmo, tamén vemos que conta con un total de catro portos que permiten conectar máis dispositivos sen ter que recorrer a outros accesorios adicionais: dous USB tipo A, un HDMI e un porto USB tipo C.
Novas funcionalidades
Entre as novidades de uso, cabe destacar que con el podemos empregar o móbil como rato, grazas ao novo software, o que facilita que teñamos unha opción máis en caso de non ter un rato tradicional a man. Por outro lado, o novo DeX permite traballar con máis dun monitor
Existen outras pequenas novidades que están máis orientadas ao entorno profesional, destacando a posibilidade de limitar o uso de apps mentres o terminal está conectado ao DeX Pad.
Ainda que o gadget de Samsung, adapte o contido do terminal a unha pantalla de escritorio, para que sexa máis doado de usar en pantallas grandes, isto non significa que non podamos empregar as apps de sempre, xa que o modo DeX é compatíebl coas apps de Microsoft e Google, entre moitas outras.
Agora ben, o Samsung DeX só se pode empregar cos Samsung Galaxy S8 / S8+, Galaxy Note8 e agora tamén cos novos S9 / S9+. Así e todo, tanto o par S8 / S8+ como o Note8 deberán recibir unha actualización de software para poder acceder a r todas as novidades no novo DeX Pad.
Dispoñibilidade e prezo
Está previsto que o novo DeX Pad saia ao mercado xunto co Samsung Galaxy S9, máis aínda non sabemos o seu prezo. Con todo, imaxinamos que non será moi diferente ao modelo de primeira xeración, polo que rondará os 150 euros.
