Un dos primeiros regresos de Nokia ao mercado móbil foi aló polo 2014, cando chegaron cun terminal básico baseado en Android, aínda que tan modificado que a interfac e lembraba máis a Windows Phone e non tiña nin sequera Google Play de serie. Falamos do Nokia X, lembrádelo?
Pois desta vez temos que falar da renovación deste primeiro terminal, que non pasou á historia polas súas especificacións nin por ser un número un en ventas, pero si por ser o primeiro modelo que marcaría unha nova época na marca.
Segundo as filtracións, o novo Nokia X sería presentado o día 27 deste mes en China, existindo a posibilidade de que non sexa o único modelo presentado. Aínda que non hai moita información sobre as súas especificacións, especúlase con que sexa un smartphone de características moderadas, como foron no seu momento o X.
Teremos que agardar un día a ver que tipo de móbil presentan e ver se desta vez son quen de sorprender. Que pensades?
