Fíltrase un suposto Samsung Galaxy S8 Lite

Nos últimos anos fomos vendo como moitas marcas lanzaron versións “Lite” dos seus modelos de referencia. Samsung semella non querer ficar allea a esta moda e, segundo apuntan varias informacións, estaría a piques de anunciar o Samsung Galaxy S8 Lite.

O primeiro que chama a atención deste trebello é, precisamente, o seu nome, pois se trata dunha versión derivada do S8 e non do S9, como correspondería de maneira lóxica. E é que o novo modelo semella, cando menos no deseño, ao gama alta do ano pasado do fabricante surcoreano.

En canto á súa folla de especificacións, a filtración apunta ás seguintes características técnicas:

  • Pantalla de 5,8 polgadas con resolución FHD+
  • Procesador de 8 núcleos a 2,2 GHz (Qualcomm Snapdragon 660 quizais?)
  • 4 GB de RAM
  • 64 GB de memoria interna ampliábeis
  • Cámara principal de 16 Mpx
  • Batería de 3000 mAh
  • Android 8 – Oreo

A súa presentación está prevista para o próximo 21 de maio, e seguramente quede destinado unicamente ao mercado asiático. Ese día poderemos ver se se cumpren todas as especulacións sobre o citado modelo e se a súa comercialización chega ao noso país.

Sobre o autor

One Response

  1. Rubenix 29 Maio, 2018 Responder

Reply