As operadoras continúan anunciando as súas ofertas e promocións de cara a campaña de “volta ao cole”, e desta vez temos que falar de Yoigo, unha das marcas do cuarto operador MásMóvil. A diferenza da súa competencia, a operadora non fai unha aposta en prezo, senón que decidiu apostar por ofrecer produtos e servizos sen custe adicional.
O máis rechamante desta oferta é que tanto as usuarias actuais como as novas clientas de Yoigo con produtos converxentes recibirán un Google Home. Deste modo, quen teña contratado ou contrate Fibra + SinFin 25 Gb recibirá o modelo estándar e quen leve Fibra + SinFin 3 Gb terá o Google Home Mini, en ambos casos sen custe adicional.
Ademais, Yoigo ampliou o seu catálogo con máis de 20 smartphones gratuítos, e engadiu novos lanzamentos como o Samsung Galaxy Note9, que se pode conseguir por 25 euros ao mes coa tarifa Fibra + SinFín GB infinitios.
En canto ás tarifas, Yoigo mantén a súa proposta de gigas ilimitados no móbil con fibra de 300 megas por 99 euros, á que hai que engadir a posibilidade de contratar unha liña DUO de balde, con chamadas ilimitadas e datos compartidos coa liña principal. Ademais, desde xullo Yoigo regala as cotas de SKY TV até finais de ano
Non lle vexo moito sentido a un dispositivo destes se non tés a casa automatizada.
Como altofalante bluetooth é caro, como asistente teñoo no móbil. E dependes dos servizos na nube de Google.
Nunha casa domotizada mediante KNX non precisas nube ningunha e terala para toda a vida funcionando, con compatibilidade posto que é un estándar aberto. Isto servirache ata que Google diga que che sirva.
Eu non sei se estaredes a malinterpretar o anuncio. Pon que tanto os novos clientes coma os actuais QUE CONTRATEN unha tarifa INFINITA blabla… levarán o trebello. Non vin mención ningunha a que os que xa a teñen contratada vaian a ter a vantaxe, creo que é máis ben para o caso de quen se cambia de tarifa dentro da compañía.
Saudos!
A info foi directamente a que nos enviou a compañía. Graciñas!