Mophie anuncia o kit de viaxe Charge Stream Travel Kit

Mophie, unha das grandes marcas do mundo da carga e os seus accesorios, segue ampliando horizontes no eido das solucións de carga e vén de presentar o kit de viaxe Charge Stream Global Travel Kit, que inclúe todo o necesario para cargar os nosos dispositivos sen fíos en calquera lugar do mundo.

O kit proporciona carga aos dispositivos habilitados co estándar Qi ao tempo que se viaxa usando o Charge Stream Pad Mini, un cargador de pequeno tamaño, ao tempo que ofrece todo o necesario para enchufar o cargador aló onde nos atopemos.

Inclúe un adaptador de parade de 2,4A con cabeza de enchufe intercambiábel para soportar os sistemas de Europa, Reino Unido, China, Australia e América do Norte, ademais dun adaptador de automóbil e un cable USB-A a micro USB de 1,5 metros para comezar a cargar mentres se está en ruta ou chegados ao destino.

Pola súa parte, o Charge Stream Pad Mini ofrece unha carga de 5 vatios a calquera teléfono intelixente habilitado para Qi. Destaca polo seu deseño minimalista e de baixo perfil para adaptarse á carga sen fíos nun automóbil, de paso no aeroporto ou no hotel. Ademais, permite a carga tamén a través de carcasas de até 3 milímetros de grosor.

Dispoñibilidade e prezo

O Charge Stream Global Travel Kit está dispoñíbel a través da web de Mophie (mophie.com) e en varios minoristas por 69,95 euros. Así mesmo, o Charge Stream Pad Mini tamén se pode mercar por separado, nese caso por 24,95 euros.

Sobre o autor

Reply